លោកជំទាវ មាន សំអាន ដឹកនាំកិច្ចប្រជុំគណៈកម្មការទី៨ព្រឹទ្ធសភា
គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា (គណៈកម្មការទី៨) ដឹកនាំដោយលោកជំទាវ មាន សំអាន ប្រធានគណៈកម្មការ បានប្រជុំផ្ទៃក្នុងកណៈកម្មការ ដើម្បីពិនិត្យនិងពិភាក្សាលើរបៀបវារៈចំនួន០៣រួមមាន៖
១.បូកសរុបលទ្ធផលការងាររបស់គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា ប្រចាំខែមេសា ឆ្នាំ២០២៤។
២.ពិនិត្យឆ្លងសេចក្តីព្រាងសេចក្តីសម្រេចស្តីពី ការបែកចែក ប្រគល់ភារកិច្ច និងកំណត់របៀបរបបការងារ ប្រធាន អនុប្រធាន លេខាធិការ និងសមាជិកា សមាជិកគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា នីតិកាលទី៥។
៣.បញ្ហាផ្សេងៗ…។
កិច្ចប្រជុំប្រព្រឹត្តិទៅនៅសាលប្រជុំគណៈកម្មការទី៨ព្រឹទ្ធសភា នាព្រឹកថ្ងៃសុក្រ ១០រោច ខែចេត្រ ឆ្នាំរោង ឆស័ក ពុទ្ធសករាជ២៥៦៧ ត្រូវនឹងថ្ងៃទី០៣ ខែឧសភាឆ្នាំ២០២៤៕
ប្រភព៖ នាយកដ្ឋានព័ត៌មាន
